Hapësire reklamuese

Aktualitet

Kjo nuk është foshnja e braktisur në Yzberisht!

Shkruar nga Newsbomb

Një ngjarje e rëndë u regjistrua paraditen e kësaj të mërkure në Tiranë, në Yzberisht. Një foshnjë e porsalindur u gjet e braktisur në bodrumin e një pallati në këtë zonë të kryeqytetit. Ka qenë telefonata e një qytetari i cili alarmoi policinë se në ambientet e pallatit të tij dëgjoheshin të qarat e një fëmije. Menjëherë efektivët shkuan në vendin e ngjarjes ku dhe gjetën foshnjën e porsalindur të braktisur në bordum dhe bënë të mundur transportimin e saj drejt maternitetit,  “Koço Gliozheni”,  ku dhe ndodhet në intubim pasi është në gjendje të rëndë shëndetësore.

LEXO EDHE: Policia gjen një foshnjë të sapolindur në bodrumin e pallatit në Yzberisht

Ndërkohë, pas kësaj ngjarje në rrjet po qarkullon me shpejtësi një foto ku pretendohet se është foshnja e gjetur paraditen e kësaj të mërkure në Tiranë. Nga një investigim i shkurtër newsbomb.al mëson se në foton që po përhapet në rrjet nuk është foshnja e braktisur në Yzberisht.

Foshnja e braktisur ne Guam Foshnja e braktisur ne Guam

Duke përdorur mekanizmat që ofron “Google” për verifikim e imazheve na ka rezultuar se kjo foto është shkrepur në 26 qershor të vitit 2018 në Shtetet e Bashkuara të Amerikës, në Guam, në fshatin Dededo. Në foto është një djalë i porsalindur i cili u braktis vite më parë në pragun e një nga banesave të këtij fshati.

Asoj kohe zëdhënësi i Policisë së Guamit, Paul Tapao, tha për mediat se fëmija ishte vendosur në pragun e një shtëpie në rrugën Lindore Santa Barbara në Dededo.

LEXO EDHE: U gjet në bodrumin e pallatit, foshnja në gjendje të rëndë te “Koço Gliozheni”

Artikulli i medias se huaj Artikulli i medias se huaj

 

 

 

 

Sondazh

Poll

Lexo gjithashtu

Hapësire reklamuese