Shqipëria nuk gjetësi nga të shtënat me armë, që fatkeqësisht kanë marrë disa jetë njerëzish në pak ditë. Tirana, Vlora, Durrësi dhe sot Elbasani.
Opinioni publik është tronditur nga kjo ngjarje e rëndë që ndodhi mbrëmjen e sotme në lagjen “Skënderbej”. Një person është ekzekutuar me armë teksa ndodhej brenda në makinë. Me të ishte dhe një vajzë.
Nuk dihet ende identiteti i viktimës dhe as i autoëve të kësaj ngjarje të rëndë. Gjithashtu as shkaku që ka çuar në ekzekutimin e djalit që ishte në makinën e tij Opel me një femër.
Policia ndodhet në vendngjarje për të bërë të mundur zbardhjen e dinamikës. Është vendosur perimetri nga policia dhe po punohet për kapjen e autorit apo autorëve. Sekuestrimi i kamerave do të ndihmojë gjithashtu.
Përsa kohë nuk është zbardhur identiteti i viktimës, teksa ende nuk dihet nëse ka pasur precedentë të mëparshëm penale apo përfshirje në ngjarje kriminale, nuk dihet se cili është shkaku i vrasjes. Prishje e pazareve të drogës, hakmarrje apo krim pasioni.