Kujtim Shabani është mjeku i njohur nga Korça që është gjetur i pajetë ditën e sotme në Radhimë.
Shabani ishte i shtrirë në një shezlong, ku edhe është gjetur i pajetë. 49-vjeçari nga Korça kishte udhëtuar drejtë Vlorës për të kaluar pushimet me familjen.
Edhe pse mjekut i është dhënë ndihma e parë, duket se gjithçka ka qenë e kotë. Policia në informacion zyrtar raporton se dyshohet se mjeku ka humbur jetën për shkaqe natyrore.
Vlorë/Informacion paraprak
Sot, rreth orës 12:35, në plazh, Radhimë, është gjetur pa shenja jete në shezlong, shtetasi K. Sh., 49 vjeç, banues në Korçë, i cili nga të dhënat e para dyshohet se ka ndërruar jetë për shkaqe natyrale.
Grupi hetimor vijon punën për zbardhjen e plotë të rrethanave të ngjarjes.