Mëngjesin e kësaj të premte ka nisur aksioni për lirimin e hapësirave publike në Durrës, ku morën pjesë forcat e Policisë Bashkiake, efektivë nga Policia e Shtetit dhe punonjës nga IMT.
Më herët Bashkia e qytetit bregdetar kishte paralajmëruar lokalet për të liruar hapësirat publike të lulishtes, të cilat i kishin zënë me tenda, karrige, çadra dhe struktura metalike.
Fillimisht aksioni ka nisur në lagjen nr 17 dhe në ditët në vijim do të vazhdojë në lulishtet pranë Muzeut të Dëshmorëve.
