Tirana
clear sky
10.5 ° C
10.5 °
10.5 °
71 %
2.1kmh
0 %
Enj
13 °
Pre
21 °
Sht
21 °
Die
20 °
Hën
18 °
E enjte, 28 Tetor, 2021
spot_img

Kisha e vitit 1402 lihet në harresë, Nikollë Lesi i kujton Ramës premtimin e 2013-ës

spot_img
spot_img

Lajme të ngjashëm

8e0e7b0db4a645672d01473775331eae

Një kishë qindra vjeçare qëndron në mëshirë të fatit në Lezhë. Është fjala për kishën e Shën Aleksandrit të Bokianit, mbi fshatin Spiten.

Nikollë Lesi i ka kushtuar një artikull këtij rasti, ndërsa thekson se rruga që të çon për te kisha është lënë totalisht në harresë, e pa asfaltuar.

Ai i referohet premtimit të kryeministrit Edi Rama në vitin 2013 dhe që nuk është mbajtur.

“Kryeministri Rama që në vitin 2013 premtoi se do ta rinovonte këtë segment rruge, por asgjë nuk ka bërë, pavarësisht ankesave dhe peticionëve të banorëve. E premtoi edhe kryebashkiaku lezhjan Fran Frrokaj, por nuk ka fonde thotë. Iu dërgua projekti i rrugës Fondit të Zhvillimit Shqiptar, ku ishte Benet Beci, porse e palosën nga karrigia para disa javësh, para se të fillonte riparimin e udhës. Tani po e premton deputeti Pjerin Ndreu i PS-së, por kërkon votat për kryetar bashkie”, shkruahte në artikull.

E plotë nga Nikollë Lesi publikuar në ‘Koha Jone’:

Zona e Lezhës është e mbushur me histori të lashtë. Çdo fshat në ato treva ka një kulturë të vjetër, të lidhur me Perëndimin. Lissus (Lezha) ishte nën influencën e Venedikut, para pushtimit osman. Edhe gjatë pushtimit turk i ruajti lidhjet shpirtërore me Venedikun.

Tashmë është bërë një punë e mirë nga qeveritë e këtyre 28 viteve për njohjen e zonave që kanë prodhuar histori, kulturë dhe traditë. Natyrisht një nga kushtet për t’i njohur dhe vizituar mbetet infrastruktura për t’i parë nga afër.

Një nga kishat me të vjetra në Ballkan, sipas Aleksandër Meksit, ish-kryeministër dhe studiues i shkëlqyer në fushën e arkelogjisë dhe historisë, është Kisha e Shën Aleksandrit të Bokianit, mbi fshatin Spiten, i njohur ndër dokumente me emrin “San Alexandri di Collematia”, që ishte në vartësi të peshkopatës së Lezhës. Ajo ndodhet mbi një kodër të bukur në fshatin Prull.

Kishën e kanë rindërtuar pas rrëzimit të komunizmit banorët katolikë të zonës Prull-Spiten. Një pjesë të udhës malore që të çon te kjo kishë legjendare e kanë shtruar me lekët e tyre, ata që kanë lindur aty. Prulli është fshat i vogël, i bukur, malor dhe nga ku shikohet deti si në pëllembë të dorës.

Për të shkuar te Kisha e vitit 1402 duhet kalosh nga autostrada Milot-Lezhë dhe një tabelë SPITEN të orienton. Rruga fillon e mirë, me asfalt, por diku pas 800-1000 metra është një sketerrë rrugë. Duhet vinç të kalosh këtë segment udhe, e cila jo vetëm të çon te kisha e Bokjanit në Prull, por edhe shërben për afro 4200 banorë.

Kryeministri Rama që në vitin 2013 premtoi se do ta rinovonte këtë segment rruge, por asgjë nuk ka bërë, pavarësisht ankesave dhe peticionëve të banorëve. E premtoi edhe kryebashkiaku lezhjan Fran Frrokaj, por nuk ka fonde thotë. Iu dërgua projekti i rrugës Fondit të Zhvillimit Shqiptar, ku ishte Benet Beci, porse e palosën nga karrigia para disa javësh, para se të fillonte riparimin e udhës. Tani po e premton deputeti Pjerin Ndreu i PS-së, por kërkon votat për kryetar bashkie.

Të gjithë e premtojnë para zgjedhjeve!

Edhe Edi Rama vuri dorën në gjoks në vitin 2013, por jemi në vitin 2019 dhe rruga po shkon më keq e për dreq.

Kisha “San Alexandri di Collematia” në fshatin Prull sa nuk bërtet me shpirtin e vitit 1402, kur u ndërtua e nga ku shikohet deri në Ulqin dhe në Kepin e Rodonit dhe që “fjaloset” përditë me avionët që i kalojnë sipër para se të ulen në Rinas.

Kisha e vitit 1402 dhe rruga e vitit 2019 po presin!

IMG_4001-1.jpg

IMG_8040.jpg

s2.jpg

s1-1.jpg

 

spot_imgspot_img

Më shumë

spot_imgspot_img
spot_img
spot_img
spot_img