Tashmë në Korenë e Veriut është e ndaluar me ligj....të vrasësh veten. Sipas një raporti, diktatori Kim Jong Un ka firmosur një urdhër të fshehtë duke e bërë vetëvrasjen të paligjshme.
Sipas urdhrit që është shpërndarë në të gjitha provincat, dhe zyrtarvëe vendas u është kërkuar ta implementojnë, vetëvrasja konsiderohet “tradhëti ndaj socializmit”.
Urdhri është shpërndarë në një takim emergjent të autoriteteve për t’i bërë ballë situatës kritike në vend.
Koreja e Veriut përballet me një valë të madhe vetëvrasjesh, ku vetëm gjatë këtij viti në qytetin Chongjin janë shënuar 35 të tilla.
Duke folur në takim, një zyrtar tha: “Pavarësisht politikës për parandalimin e vetëvrasjeve të ratifikuar nga Sekretari i Përgjithshëm, zyrtarët nuk arritën të gjenin një zgjidhje të përshtatshme.
“Shumica e vetëvrasjeve janë shkaktuar nga varfëria e madhe dhe uria, kështu që askush nuk mund të dalë me një kundërmasë tani”, raporton Radio Free Asia.
Një prej rasteve më të rënda është vetëvrasja e një djali 10-vjeçar së bashku me gjyshen e tij, të cilët u helmuan me ilaç miu pasi dy prindërit vdiqën nga uria.
Rastet e vetëvrasjeve masive, ku përfshijnë një familje të tërë, janë më të shpeshta në Korenë e Veriut.