Dhjetëra banorë të fshatit Shishtavec në Kukës, i janë futur punës, këtë të mërkurë, për të bërë të mundur daljen nga izolimi, si pasojë e mospastrimit të rrugës nga bora e rënë.
Siç tregojnë edhe fotot, që ata vetë i kanë publikuar në rrjetet sociale, secili prej tyre ka marrë lopatën dhe i është futur punës, për të hapur rrugën dhe për ta bërë atë të qarkullueshme për automjetet e tyre.
Siç raportojnë banorët, ata janë organizuar në orët e para të mëngjesit, dhe tani në mesditë, falë punës që ata kanë bërë në bashkëpunim me njëri-tjetrin, rruga është hapur, duke hequr prej trasesë borën e rënë, që në fakt duhej të pastrohej nga bashkia.
“Rrugën e deklarojmë të hapur, falë banorëve të fshatit” deklarojnë ata!