Apeli i Posaçëm ka rrëzuar kërkesën ish-zëvëndësministri i Shëndetësisë Klodjan Rjepaj, i cili kërkoi ndyshimin e masës së sigurisë. Rjepaj gjithashtu kundërshtoi zgjatjen e afateve hetimore nga GJKKO me 1 muaj e 15 ditë, por edhe kjo kërkesë e tij u refuzua.
Ish-zv.ministri i Shëndetësisë Klodjan Rrjepaj ra në pranga me urdhër të SPAK për hetimet që po kryhen për koncesionin e sterilizimit të mjeteve kirurgjikale. U arrestua edhe biznesmeni që mori tenderin Ilir Rrapaj. Ai u ndalua teksa ishte me pushime në jug.
Rrapaj u shoqërua në Drejtorinë Vendore të Policisë së Vlorës, me urdhër të SPAK. Për të ka pasur disa fletë-thirrje nga SPAK për t’u marrë në pytje në lidhje me tenderin e sterelizimit, por që nuk është përgjigjur, çka ka bërë që SPAK në këto kushte të njoftojë Policinë e Shtetit që në momentin që do lokalizojnë personin në fjalë, të bëhet shoqërimi me forcë.
Sakaq, drejtuesit ekonomikë dhe juridikë të ministrisë së Shëndetësisë, Saimir Kadiu dhe Marsela Serjanaj u lanë në arrest shtëpie, ndërsa rektori i Universitetit të Mjekësisë, Arben Gjata dhe tre anëtarët e tjerë të komisionit, Petref Mersini, Genc Byrazeri dhe Naile Ajazi do të hetohen në masën e detyrimit të paraqitjes.
Genc Byrazeri është kushëriri i parë i ish-ministrit të Shëndetësisë Ilir Beqaj. Byrazeri ka qenë anëtar i komisionti të Prokurorimeve që ka mundësuar dhënien e koncesionit për biznesmenin Ilir Rrapaj, i cili kishte për detyrë përgatitjen e studimit të fizibilitetit që ka rezultuar se mban të dhëna të rreme.
Ndërsa, Arben Gjata në 2015 ka qenë në komisionin e koncensionit të sterilizimit. Në dëshminë e dhënë në SPAK Gjata tha se infeksionet spitalore, ishin arsyeja kryesore se përse koncesioni ishte mënyra e vetme për të përmirësuar situatën në spitalet në vend dhe për të patyr një shërbim më cilësor.
Sondazh
Lexo gjithashtu
