Të paktën 5,034 vdekje janë konfirmuar tani në Turqi dhe Siri, pas tërmetit të fuqishëm me magnitudë 7.8 ballë që tronditi rajonin herët të hënën. Numri i të vdekurve në Turqi u rrit në të paktën 3,432, tha të martën Qendra e Koordinimit të Fatkeqësive të Turqisë (AKOM).
Vdekjet u raportuan në provincat Kahramanmaraş, Gaziantep, Şanlıurfa, Diyarbakır, Adana, Adıyaman, Osmaniye, Hatay, Kilis dhe Malatya.
Të paktën 21,103 persona janë raportuar të lënduar, shtoi AKOM. Pothuajse 26,000 personel kërkimi dhe shpëtimi janë përfshirë në operacione, së bashku me 360 automjete dhe 3,361 pajisje, duke përfshirë më shumë se 600 vinça.
Në Siri, numri i të vdekurve është rritur në 1,602 në zonat e kontrolluara nga qeveria dhe zonat e kontrolluara nga opozita, thanë zyrtarët. Të paktën 3,649 persona janë raportuar të plagosur në të gjithë vendin.
Sipas Helmetave të Bardha, të njohura zyrtarisht si Mbrojtja Civile e Sirisë, qindra familje mbeten të bllokuara nën rrënojat e ndërtesave të shembura në Sirinë veriperëndimore.