Një i ri është shpallur në kërkim nga Policia e Vlorës, pasi mbrëmjen e djeshme ka qëlluar me armë (sportive) pistoletë në ajër, pas një konflikti me dy persona të tjerë.
Referuar njoftimit të Policisë, është bërë shpallja në kërkim e shtetasit të identifikuar vetëm me inicialet H.F 28 vjeç, sepse është konfliktuar fizikisht me dy persona të tjerë, të identifikuar me inicialet D.D dhe O.T, e më pas ka qëlluar me armë.
Materialet i kaluan Prokurorisë, për veprime të mëtejshme procedurale.
“Nga specialistët për Hetimin e Krimeve në Komisariatin e Policisë Himarë u bë shpallja në kërkim e shtetasit H. F., 28 vjeç, pasi dyshohet se mbrëmjen e djeshme, në Drimadhes, gjatë një konflikti të çastit, ka qëlluar në ajër me armë (sportive) pistoletë dhe është konfliktuar fizikisht me shtetasit D. D. dhe O. T”, njofton Policia.