Policia ka qëlluar me armë një grua të veshur me xhihab-i, e cila po kërcënonte të hidhte veten në erë ndërsa bërtiste Allahu Akbar në një stacion metroje në Paris.
Mediat e huaja shkruajnë se gruaja në fjalë është qëlluar me armë në stacionin e metrosë Bibliothèque François-Miterrand në Paris. Kanë qenë qytetarët ata që kanë parë gruan e dyshimtë, e cila më pas kërcënoi të hidhte veten në erë.
Efektivja që qëlloi gruan në fjalë, tha se hapi zjarr ndaj autores për sigurinë e qindra qytetarëve që ndodheshin atë moment në stacionin e metros. Mësohet se gruaja është dërguar në spital dhe gjendja e saj ishte kritike.
Franca ka qenë në “gatishmëri sulmi” që nga 13 tetori, kur një mësues në qytetin verior të Arras u godit me thikë për vdekje nga një ish-nxënës islamik.
Sondazh
Lexo gjithashtu
