Genc Sejko, i njohur si ‘njeriu i memeve’ ka një sqarim për të gjithë ata që shpesh e kanë akuzuar. Sejko është personazh mjaft i lakuar, pasi memet e tij bëjnë xhiron në rrjet.
Ndërsa vazhdimisht është ‘sulmuar’ edhe nga politika. Pak javë më parë ishte ish ministrja e Integrimit Majlinda Bregu e cila u shpreh se mund edhe ta padiste Sejkon lidhur me një meme që ky i funidt kishte bërë për të.
Ndërkohë, pas gjithë zhurmës që Sejko ka shkaktuar si personazh e ka parë të nevojshme të bëjë një sqarim. Në mesazhin e tij ‘njeriu i memeve’ shprehet se shpesh e akuzojnë se e paguan e djathta dhe herë tjetër e majta, por thekson se një gjë e tillë nuk është e vërtetë dhe jo më kot ai nuk u vendos logo montazheve të tij. Sipas Sejkos ai e bën këtë vetëm për të ‘çjerrur maskën’ e politikës.
E plotë nga Genc Sejko:
Nje sqarim i nevojshem
Ditet e fundit emri im eshte lakuar shpesh ne publik. Dola ne tv nja dy here. Rrefuzova te dal edhe nja dy here te tjera. Altin Goxhaj ben “sondazhe” per te pare se kush ben opozite me shume; une apo Basha. Nje portal me quan “kamikaz te PD-se”. Majlinda do te me hedhi ne gjyq por nuk po gjen dot kohe. Ndryshe nga Majlinda, Kryeministri gjen kohe te me pergjigjet ne FB me video. Kur memet e mia i perdor Berisha jam “kelysh” i tija. Kur i perdor Rama jam shitur tek qeveria. Disa me akuzojne se me paguan e djathta. Disa se me perdor e majta.
Tani disa te verteta. Une nuk merem me politike. Une merem me politiken. Jam munduar t’i çjerr maskat atyre qe po i nxijne jeten shqiptareve. Ai qe ka pare daljet e mia publike e ka kuptuar qe une NUK JAM person publik. Ndryshe nga perceptimi qe eshte krijuar, une jam nje njeri i mbyllur. Nuk me pelqen te flas per veten e jo me ta promovoj ate. Kur bej meme une qellimisht nuk vendos logo. Per mua rendesi ka mesazhi, jo lajmetari. Miqte e mi ne FB varjojne nga extremi i majte tek ai i djathi; kjo pasi une nuk shoh tek ta perkatesite politike apo fetare por deshiren per te kontribuar per nje Shqiperi me te mire. Une nuk bie dakort me te gjithe per gjithcka. Prandaj jam i hapur qe te bashkpunoj me kedo per te miren e perbashket. Ndyshe nga shume te tjere une jam nje njeri i lire. Zoti me ka dhene mundesine te kujdesem per familjen time pa pasur nevoje t’i sherbej askujt. Jam ndjere shume i vleresuar kur njerezit kane folur mire per mua. Ndihem shume mire kur njerezit afer pushtetit me shajne (duke perfshire edhe ata qe presin per te ardhe ne pushtet), kjo pasi une jam i parimit qe te gjithe ata qe kerkojne pushtet e duan ate per te perfituar nga ai. Ky eshte grupimi qe une luftoj çdo dite. Sot qellon qe eshte i majte. Neser ata qe do na vjedhin dhe qe do te na dhunojne do jene te djathte. Une do vazhdoj te jem perballe tyre. Nje opozitar i perjetshem me pushtetin. Ky eshte sqarimi im. Ata qe duan te falsin jane te lire te flasin. Njerezit kane folur per njerez shume me te mire se une. Per çdo gje te mire qe mund te kem arritur te gjitha faleminderimet i takojne Zotit te boteve. Vetem gabimet jane te mijat.