Kandidat i opozitës për kryetar të Bashkisë Tiranë, Belind Këlliçi së bashku me deputetin e PD, Oerd Bylykbashi ndodhen në Shtetet e Bashkuara të Amerikës.
Ata kanë zhvilluar një takim me Kongresmenin Republikan Michael Guest nga Mississippi, ku kanë folur për zgjedhjet e 2023.
Këlliçi në postimin e tij shkruan se po ashtu kanë folur dhe për skandalin e korruptimit të agjentit të FBI McGonigal nga Edi Rama.
“Bashkë me Oerdin u takuam me Kongresmenin Republikan Michael Guest nga Mississippi. Diskutuam gjerësisht rreth çështjeve aktuale si Sundimi i Ligjit dhe Zgjedhjet Lokale të 2023. E informuam Kongresmenin rreth krizës në vend dhe kapjes së sistemit politik dhe atë të drejtësisë nga partia në pushtet. Gjithashtu patëm mundësi të flisnim edhe për skandalin e korruptimit të agjentit të FBI McGonigal nga Edi Rama.
Takimi u mbyll me mbresat më të mira dhe me besimin se Shqipëria do të dalë shumë shpejt nga ky udhëkryq 🇦🇱🇺🇸” shkruan Këlliçi në postimin e tij.