Hapësire reklamuese

Politikë

Këlliçi akuza për Bashën: Për tendera është shitur të Rama!

Shkruar nga Newsbomb
Këlliçi akuza për Bashën: Për tendera është

Ish-deputeti i PD-së, Belind Këlliçi ka akuzuar përsëri Lulzim Bashën duke thënë se sulmi ndaj Sali Berishës, bëhet pikërisht për shkak që qëndrimit që ka mbajtur Basha karshi mazhorancës.

Këlliçi ka deklaruar se mazhoranca në bashkëpunim me drejtësinë kanë nisur një betejë kundër ish-kryeministrit Berisha për shkak se Edi Rama ishte mësuar që të kishte përballë jo një opozitë të fortë, por një opozitë që mund ta kontrollonte fare mirë si Basha.

“Sepse opozita pas shtatorit 2021 u shkëput nga një kontroll i plotë i mazhorancës, ka ende një opozitë që kontrollohet nga qeveria, çon në Kuvend amendimet e që kërkon kryeministri, aty ende kryeministri të dikton kush është kreu i grupit të PD, ta cakton Rama përmes Lindita Nikollës, të cakton se kush është anëtar i Komisionit të Reformës Zgjedhor dhe të mohon të drejtën Kushtetuese për të ngritur Komisionet Hetimore”, - tha Këlliçi.

Grupimi mbështetës i Berishës prej kohësh artikulon se Basha kontrollohet nga mazhoranca. Ish deputeti i PD, Këlliçi tregoi se si qeveria e Ramës, sipas tij kontrollon Bashën dhe grupimin e tij.

“Përfitojnë tendera, përfitojnë punë publike, që njerëz të afërm të tyre, Basha ka 2 kate te kulla, si i mori ato kate në kullën më të shtrenjtë, janë një grup i vogël që mbështesin Bashën, që një Zot e di pse e mbështesin, por ka krijuar modelin e opozitës së komanduar”, - ka thënë Këlliçi.

Sa i përket Berishës, ai tha se me vetëm me atë opozita nuk ecen dot drejt fitores.

“Berisha i vetëm nuk mjafton drejt fitores, padiskutim do duhet të dalim përtej zotit Berisha, duke ruajtur figurën e tij histori, e por duke hapur dyert për të rinjtë, por nuk mohoj rolin dhe kontributin e tij dhe faktin që ai është qendra e gravitetit në PD”, - tha ndër të tjera ish-deputeti i PD-së.

Sondazh

Poll

Lexo gjithashtu

Hapësire reklamuese