Katër persona kanë tentuar të grabisin një biznes privat për prodhimin dhe shitjen e betonit në rrugën dytësore Tiranë-Durrës.
Bëhet me dije se ngjarja ka ndodhur orët e para të mëngjesit, por që falë shërbimit privat të sigurisë dhe mbështetjes dhe reagimit të menjëhershëm të Policisë, personat nuk kanë mundur të realizojnë vjedhjen dhe duke përfituar nga errësira janë larguar.
Grupi hetimor ka sekuestruar pamjet filmike dhe vijon punën nën drejtimin e Prokurorisë për zbardhjen dhe dokumentimin e ngjarjes, identifikimin dhe kapjen e autorëve të dyshuar.