Tirana ka fituar 1-2 me Partizanin për javën e 33 të Superligës. Sfida e “Elbasan Arena” ka dhuruar emocione të forta, me bardheblutë që përmbysën Demat dhe siguruan titullin e 26 kampion në derbi.
Tre javë nga fundi i sezonit, golat e Seferit dhe Totre zhvlerësuan atë të Skukës, duke bërë që tifozët e Tiranës të pushtonin fushën në fundin e sfidës. Lojtarët dhe tifozët u bënë bashkë, duke festuar me trajnerin Shehi.
Ndërkohë mes tifozëve të Partizanit dhe efektivëve të Policisë pati përplasje të dhunshme. Partizani ndodhet në vendin e tretë, në “luftë” për një vend në kupat e Europës.