Rritet bilanci i viktimave si pasojë e zjarreve masive në Turqi. Ekipet e shpëtimit kanë gjetur trupat e dy personave të pajetë gjatë operacioneve të shuarjes së zjarrit në provincën jugore të Antalya-s, duke e çuar në 6 numrin e jetëve të humbura.
“Ne humbëm dy vëllezërit tanë heroikë të përfshirë në luftimin e zjarreve si dëshmorë. Dhimbja jonë është e madhe. Qoftë vendi i tyre parajsë”, shkruajti Bekir Pakdemirli, ministri i Bujqësisë dhe Pylltarisë i Turqisë në Twitter.
Si pasojë e përhapjes së flakëve me shpejtësi, u evakuan banorët e 6 qyteteve, si dhe u dogjën mbi 2 mijë shtëpi në Antalya.
Thuajse në të gjitha qytetet e Turqisë po lajmërohen e regjistrohen vullnetarë për të shkuar në “luftë” kundër zjarrit.