Autoritetet në Stamboll kanë kapur një kamion me drogë, i cili vinte nga Shqipëria. Sipas medieve turke, pas konstatimit se në kufi kishte drogë, kamioni u mbajt nën vëzhgim për të evituar kalimin e ngarkesës në një mjet tjetër.
Ekipet e Policisë së Tekirdagut nisën kërkimin për kamionin, duke kryer një operacion. Gjatë kontrollit të imtësishëm u sekuestruan 122 kilogramë drogë të fshehura në dyshemenë e tij. Ndërsa mësohet se është arrestuar drejtuesi i mjetit, shtetasi shqiptar, Fatmir Ferko.