Fizalizohet operacioni i policisë i koduar “Speed” dhe vihen në pranga 3 persona.
Policia e Fierit ka sekuestruar në cilësinë e provës materiale 81 doza kanabis sativa, një pistoletë model 53 dhe një krëhër me 7 fishekë. Poseduesit e tyre ishin shtetasit :Ylli Tota, Fatos Kollogjeri dhe Blerim Cani të cilët janë arrestuar nga uniformat blu.
Njoftimi i policisë:
Mbi bazën e informacioneve të marra në rrugë operative dhe pas punës së mirëorganizuar nga Specialistët e Sektorit kundër Narkotikëve në Drejtorinë Vendore të Policisë Fier, u finalizua me sukses operacioni antidrogë i koduar "SPEED". Si rezultat i këtij operacioni u arrestuan në flagrancë shtetasit: 1.Fatos Kollogjeri, 21vjeç, banues në Elbasan. 2.Ylli Tota, 22 vjeç, banues në Tiranë. 3.Blerim Cani, 23 vjeç, banues në Elbasan. Arrestimi i këtyre shtetasve u bë pasi në vendin e quajtur "Autogrili" në fshatin Poçem, Mallakastër, u kapën në flagrancë me 76 doza lëndë narkotike të dyshuara Cannabis Sativa të cilat iu gjetën shtetasit Fatos Kollogjeri, një pistoletë tip TT model 56 me një krehër me 7 fishekë iu gjetën shtetasit Ylli Tota (të cilat dyshohet se do i shisnin), dhe nga kontrolli i banesës së shtetasit Blerim Cani, u gjetën 5 doza lëndë narkotike e dyshuar Cannabis Sativa. Materialet i kaluan Prokurorisë pranë Gjykatës shkallës parë Fier për veprat penale "Prodhim dhe shitje të narkotikëve" , "Nxitja për përdorimin e drogës" dhe "Prodhimi dhe mbajtja pa leje e armëve dhe municioneve luftarake".