Kanye West tha se po planifikon një kandidim presidencial në 2024 dhe po ndihmohet nga Milo Yiannopoulos për këtë gjë. Ka qenë vetë reperi i cili përmes një video të postuar në “Twitter”së fundmi ka bërë me dije se do të kandidojë sërish në zgjedhjet presidenciale.
“Ky është Milo pikërisht këtu, duke punuar në fushatën,” thotë West.
Videoja, në të cilën West thotë se Yiannopoulos po punon në fushatën e tij, vjen pasi llogaria e reperit në Twitter u riaktivizua pasi ai u ndalua nga aplikacioni për shkak të komenteve antisemitike.
Më herët, këngëtari postoi një mesazh në Twitter për të parë nëse llogaria e tij ishte rivendosur që kur Elon Musk mori përsipër kompaninë.
“Testim, për të parë nëse Twitteri im është i zhbllokuar”, shkroi ai në llogari.
Musk, i cili bleu kompaninë për 44 miliardë dollarë, tha muajin e kaluar se llogaria e West ishte restauruar përpara blerjes dhe ai nuk ishte konsultuar më parë.
Miliarderi rivendosi llogarinë e ish-presidentit Donald Trump në Twitter një ditë më parë pas sondazhit të përdoruesve. Trump, i cili gjithashtu njoftoi një kandidim në Shtëpinë e Bardhë në vitin 2024, u hoq nga Tëitter si pasojë e trazirave të 6 janarit 2021, në Kapitol.