Një aksident i rëndë ka ndodhur ditën e sotme në aksin Kavajë-Rrogozhinë.
Bëhet me dije se në aksident janë përfshirë dy makina. Mësohet se një kamion ka përplasur një makinë tip “Peugeot”. Si pasojë e aksidentit kanë mbetur të plagosur dy persona, të cilët janë nisur me urgjencë për në spital.
Policia ka mbërritur në vendngjarje dhe po punon për zbardhjen e plotë të rrethanave të aksidentit.
Informacion paraprak
Rreth orës 09:10, në Gosë, Kavajë, është përfshirë në përplasje mjeti me drejtues shtetasin G. Xh., me mjetin me drejtues K. L. Si pasojë janë dëmtuar shtetaset me iniciale Z. Gj dhe E. K, pasagjere në mjetin me drejtues G. Xh, të cilat u dërguan në spital për kontroll mjekësor, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të ngjarjes