Një aksident ka ndodhur pak më parë te Ura e Kolshit në Kukës.
Mësohet se një kamion ka dalë nga rruga dhe ka rënë në liqen.
Sakaq, polumbarët po punojnë për gjetjen e trupit të drejtuesit të kamionit me iniciale ‘F.Ll’, 37-vjeç.
Ndërkohë policia ka mbërritur në vendngjarje dhe po punon për zbardhjen e shkaqeve të aksidentit.
NJOFTIMI I POLICISË:
Në rrugën e vjetër të Kukësit, te Ura e Kolshit dyshohet se shtetasi F.Ll., rreth 37 vjeç, duke drejtuar mjetin tip kamion, ka dalë nga rruga dhe ka rënë në liqen.
Për gjetjen e trupit janë angazhuar menjëherë Polumbarët e Reneas, si dhe shërbimet e Policisë.
Grupi hetimor ndodhet në vendngjarje.