Hapësire reklamuese

Çështjet kryesore

Aktualitet

Kamerierët bëjnë gjestin fisnik, i dorëzojnë nënës së Musaenit zarfin me bakshishe, ja sa lek arritën të mbledhin

Shkruar nga Newsbomb
Kamerierët bëjnë gjestin fisnik, i dorëzojnë

Pas humbjes së jetës së Musaen Zenelit në masakrën e Velipojës, kamerierët e qytetit të Shkodrës vendosën që të gjitha bakshishet e mbledhura bashkë me kolegët t’ja dhurojnë nënës së 19-vjeçarit.

Rehyl Toska, kamerieri i cili ndërmori këtë fushatë për mbledhjen e ndihmave për familjen Zeneli ditën e djeshme i dorëzoi nënës së Musaenit zarfin me bakshishet e mbledhura të cilat arritën vlerën mbi 2 milion lekë.

“Unë bëra atë që na ka takuar ne me aq kontribut që kemi dhënë. Dua të falenderoj të gjithë kolegët e mia, bizneset që janë afruar dhe gjithë shqiptarët që kanë kërkuar llogarinë e familjet. Ne nuk mund të kthejmë gjë pas, por sa do me ia lehtësuar sado pak familjes atë që po kalon. Falenderoj të gjitha mediat që kanë qenë në krah dhe gjithkënd”, tha ai për mediat.

Kujtojmë se mesnatën e shtunës nga përplasja me armë në Velipojë mbetën të vdekur Kujtim Ferracaku 59 vjeç, pronar i hotel “Fantazia”, vëllezërit Xhovani dhe Edmond Gocaj 25 dhe 38 vjeç që kishin hotelin “Gocaj” dhe jetimi fatkeq Musaen Zeneli 20 vjeç, që e kapi një plumb në zemër dhe i mori jetën në vend.

Nga përplasja me armë u plagosën edhe Hasan Ferracaku, vëllai i biznesmenit që u vra dhe nipi i tij Elmedin Tyli.

Lexo gjithashtu

Sondazh

Poll