Faraoni Tutankhamun u varros me një kamë që është e prodhuar me hekur jashtë kësaj bote. Sipas një studimi të ri, tehu i hekurt është i përbërë nga material me origjinë nga hapësira.
Duke përdorur reze X me anë të ndriçimit fluoreshent jo-invaziv, një ekip studiuesish italianë dhe egjiptianë konfirmuan se hekuri i kamës i vendosur mbi kofshën e djathtë të mbretit adoleshent ka origjinë meteorike.
Kama e magjishme ekspozohet në muzeun e Kairos në Egjipt. Ajo është e zbukuruar me një këllëf të artë me motive zambakësh dhe me motive pendësh ndërsa në anën tjetër paraqet disa çakej. Në fund të bishtit të saj ka një dorezë të kristaltë.
