Tirana
clear sky
31.5 ° C
31.5 °
31.5 °
31 %
1.5kmh
0 %
Die
36 °
Hën
38 °
Mar
40 °
Mër
42 °
Enj
42 °
E diel, 25 Korrik, 2021

“Kam qenë kundër djegies së mandateve dhe për futje në zgjedhjet lokale”, Agron Shehaj i thotë të gjitha: Jam për dorëheqjen e Bashës, në PD s’të lënë të shprehesh

spot_img
spot_img

Lajme të ngjashëm

Deputeti i ardhshëm i Parlamentit të Shqipërisë, i dalë nga zgjedhjet e 25 prillit nga lista e PD në qarkun e Tiranës, Agron Shehaj ka mbajtur sot një konferencë për mediat duke dhënë arsyet për kandidimin e tij për kryetar partie të PD-së.

Ai u ka thënë gazetarëve dhe publikut se ka qenë kundër diegies së mandateve dhe pro pjesëmarrjes në zgjedhjet lokale të 2019. Sipas biznesmenit të njohur, këto kanë qenë dy nga arsyet se pse PD ka humbur zgjedhjet e 25 prillit 2021.

Gjithashtu ai ka deklaruar se ka dashur dorëheqjen e Bashës, por nuk është shprehur pasi “nuk ia vlen të shprehesh në PD-në e tanishme”.

Agron Shehaj: Një nga arsyet më të mëdha që humbëm zgjedhjet ishin djegia e mandateve dhe mospjesëmarrja në zgjedhjet lokale 2019.

Pyetje: Do të pranoni një debat publik me Kadillin apo dhe vetë Bashën?

Agron Shehaj: Po patjetër mund ta bëjmë pse jo.

Pyetje: A e keni kërkuar dorëheqjen e Bashës në mbledhjet brenda PD?

Agron Shehaj: Jo, sepse në PD-në e tanishme nuk ja vlen të shprehesh në mbledhjet e forumeve sepse është një problem i madh dhe kjo do të ndryshojë, duhet të ndryshojë.

Pyetje: Keni qenë pro apo kundër djegies së mandateve?

Agron Shehaj: Kam qenë kundër dhe e kam shprehur, jo publikisht por e kam shprehur. Kam qenë kundër edhe mospjesëmarrjes në zgjedhjet lokale.

Fjalimi i plotë

Vendosa të kandidoj për kryetar të Partisë Demokratike, sepse u binda që udhëheqja e tanishme nuk mund ta çojë Partinë Demokratike në fitore.Po kandidoj sepse udhëheqja aktuale po përpiqet ta kalojë humbjen e 25 prillit, si një gjë të zakonshme, si një gjë normale, pa reflektuar dhe pa ndryshuar asgjë.

Kandidimi im nuk është përpjekje për të marrë një post, por fillimi i një projekti ndryshimi të Partisë Demokratike sot, për ta ndryshuar Shqipërinë nesër.Më 13 qershor anëtarët e Partisë Demokratike nuk do të zgjedhin thjesht kryetarin e ri, por do të vendosin nëse duan të fitojnë apo të humbasin prapë edhe në zgjedhjet e 2025-ës.

Mosndryshimi i udhëheqjes së tanishme të Partisë Demokratike është rruga e sigurtë për të humbur përsëri. Unë kam ndershmërinë, përvojën dhe aftësinë e duhur për ta çuar Partinë Demokratike në rrugën e fitores.Edi Rama është politikan i korruptuar dhe antidemokratik. Për ta mundur regjimin e tij, Partia Demokratike dhe Shqipëria ka nevojë për një udhëheqës krejt ndryshe nga ai: të pakorruptuar, të pakorruptueshëm, me kurajë dhe gjithëpërfshirës.

Me këto vlera ne do të rikthejmë besimin e qytetarëve te Partia Demokratike dhe ta çojmë atë drejt fitores. Partia jonë ka nevojë për reformë të thellë e të menjëhershme, në mënyrë që ajo të jetë moderne, demokratike, meritokratike.Të qënurit kryetar i Partisë Demokratike nuk duhet të jetë vetëm privilegj, por duhet të jetë edhe përgjegjësi.

Prandaj propozoj se në Statut të sanksionohet se kryetari i Partisë Demokratike duhet të ketë vetëm një mundësi për të ardhur në pushtet dhe të japë dorëheqjen kur humbet zgjedhjet parlamentare duke mos kandiduar më, pa asnjë justifikim, pa asnjë përjashtim.Partia Demokratike duhet të bëhet partia e konkurrencës dhe e mundësive për të gjithë.Për këtë propozoj se në Statutin e Partisë Demokratike të sanksionohet parimi i zgjedhjes së kandidatëve për deputetë nga anëtarësia me parimin “një anëtar, një votë”.Kështu do të fuqizojmë anëtarët dhe do të sjellim në drejtim njerëzit më të zotë. Vetëm në këtë mënyrë ne do tërheqim më shumë njerëz të zotë dhe të ndershëm, që duan të japin kontributin e tyre në politikë.

Më shumë

spot_img
spot_img