Tirana
few clouds
23 ° C
23 °
23 °
40 %
4.1kmh
20 %
Pre
23 °
Sht
16 °
Die
20 °
Hën
25 °
Mar
23 °
E premte, 14 Maj, 2021
spot_img

Kallëzohet në prokurori Drejtori i Ujësjellësit të Vlorës, PD: Bën punësime në këmbim të votës

spot_img

Lajme të ngjashëm

Partia Demokratike Vlorë ka denoncuar në Prokurori drejtorin e Sh.A Ujësjellës Kanalizime Vlorë Shkëlqim Leskaj.

Ky i fundit akuzohet se ka punësuar dhe vazhdon të punësojë në mënyrë të kundra ligjshme individë, duke anashkaluar çdo procedurë të parashikuar nga kodi i punës.

Gjithashtu Partia Demokratike ka shprehur gatishmërinë e plotë për të mbështetur Prokurorinë gjatë këtij hetimi.

Sipas PD-së, Drejtoria e Ujësjellës Kanalizime, ka futur në punë persona me premtimin se ata dhe familjarët e tyre të votojnë në mënyrë të kushtëzuar Partinë Socialiste.

Deklarata e plotë:

Të nderuar qytetarë!

Jam sot këtu, në emër të PD Vlorë, për të bërë publik, Kallzimin Penal kundër Drejtorit të SH.A Ujësjellës Kanalizime Vlorë Shkëlqim Leskaj.

 Ne si subjekt politik kemi rënë në dijeni të faktit se:

Drejtuesi i Ujësjellës Kanalizime, kohët e fundit dhe deri ne momentet e këtij kallëzimi, ka punësuar dhe vazhdon të punësoj në mënyrë të kundraligjshme individë, duke anashkaluar çdo procedurë të parashikuar nga kodi i punës.

Në dijenin tonë Drejtoria e Ujësjellës Kanalizime, këto rekrutime të këtyre personave, i bën duke marrë prej tyre premtimin që këta dhe familjarët e tyre do të votojnë në mënyrë të kushtëzuar subjektin në pushtet, Partinë Socialiste.

Drejtuesi i Sh.A Ujësjellës Kanalizime Vlorë me veprimet e tij të mirëmenduara dhe mirëorganizuara që kanë qëllime elektorale ka kryer Punësime në këtë institucion pa asnjë kriter dhe në kundërshtim të plotë me Kodin e Punës. Pranë Ujësjellës Kanalizime Vlorë, në dijenin tonë, organika është e mbingarkuar nga punësimet elektorale.

Në këtë mënyrë të përdorur nga drejtori i “Tërmetit”, duke punësuar pranë institucioneve shtetërore individë me qëllimin e garantimit të votës për subjektin politik në pushtet PS përbën vepra penale të Shpërdorimit të Detyrës dhe Korrupsioni Aktiv në zgjedhje parashikuar nga nenet 248 dhe 328 i kodit penal.

Në këtë kallzim të drejtuar Prokurorisë së Rrethit Vlorë, Partia Demokratike Vlorë shpreh gadishmërinë e plotë, për të mbështetur Prokurorinë, gjatë këtij hetimi.

Kërkojmë nga ky institucion të angazhohet seriozisht, për të ndalur shpërdorimin e fondeve publike si dhe të dërgoj përpara përgjegjësisë penale funksionaret publik që lidhen me këto abuzime!

spot_img

Më shumë

spot_img
spot_img