Trupi i një student italian që u zhduk një javë më parë në kryeqytetin e Egjiptit, Kairo, është gjetur dhe ka shenja torture.
28 vjeçari Giulio Regeni u zhduk mëngjesin e 25 janarit pasi doli nga shtëpia e tij në Giza për tu takuar me shokët. Zyrtarët egjiptianë thanë se në trupin e tij janë gjetur shenja torture, të çara me thikë dhe djegie me cigare që i kanë shkaktuar një vdekje të ngadaltë.
Regeni ishte një student i Shkencave Politike të Kembrixhit dhe kishte shkuar në Egjipt për vizitë në Universitetin Amerikan të Kairos. Vdekja e tij mbetet ende mister.