Tirana
overcast clouds
7.5 ° C
7.5 °
7.5 °
100 %
1.5kmh
90 %
Mar
9 °
Mër
10 °
Enj
11 °
Pre
10 °
Sht
10 °
E martë, 7 Dhjetor, 2021
spot_img

“Ka kënduar këngën Kallaçnikov”, Ngjela reagon i revoltuar për Goran Bregoviç: Ardhja e tij në Korçë, një turp shqiptar, shteti të ndërhyjë!

digitalb
spot_img
spot_img

Lajme të ngjashëm

Spartak Ngjela e ka cilësuar ardhjen e këngëtarit serb, Goran Bregoviç, në Festën e Birrës në Korçë, si një turp për popullin shqiptar.

Në një postim në Facebook, Ngjela i bën thirrje shtetit që të ndërhyjë, pasi sipas tij është e provuar që ky këngëtar ka kënduar një këngë në mbështetje të terrorit serb në Kosovë, gjatë luftës së vitit 1999.

Më tej Ngjela përshëndet organizimin e protestës që mendohet të bëhet në Korçë gjatë panairit të birrës.

Postimi i Spartak Ngjelës:

Në këto momente, po krijohet tension në patriotizmin shqiptar kundër këngëtarit serb, të quajturit Goran Bregoviç, i cili po kërkon të këndojë në festën e birrës në Korçë, që fillon në datën 18 gusht.

Ky këngëtar paska kënduar një këngë kundër çlirimit të Kosovës.

Por ftesën, jo se ia ka bërë Korça, por ata që organizojnë festën apo panairin e birrës. Nuk e njoh këtë këngëtar, se unë nuk e njoh fare muzikën serbe. Nuk e dëgjoj, se ajo më është dukur një melodi katundareske…

Por, më kanë shkruar shumë persona për këtë tip.

U interesova ta di kush është ky këngëtar. Sipas sugjerimeve që më bënë, dhe, për ato që pashë e më përkthyen, ardhja e tij sigurisht që është një turp shqiptar.Shteti duhet të tregohet më i kujdesshëm në marrëdhënie të tilla.

Po cili shtet? Shteti i Edi Ramës dhe i Ilir Metës?

Ndërsa, shenjat janë që ndërkohë patriotizmi shqiptar po organizohet dhe do të dyndet në Korçë për të mos e lejuar këngëtarin serb të japë koncertin e planifikuar.

Por, edhe shteti duhet të ndërhyjë, se është e provuar që ky këngëtar ka kënduar një këngë në mbështetje të terrorit serb në Kosovë, gjatë luftës së vitit 1999.

Sigurisht, muzika është universale, kjo dihet, por teksti terrorist i një melodie që sjell me vetë një këngë që ka inspirim terrorist, është amorale deri në krim.

Ajo që po del e provuar, sikurse e shprehëm, shihet që ky i quajturi Bregoviç, në vitin 1999, ka kënduar këngën me titull “Kallaçnikov”, në luftën e terrorizmit serb kundër shqiptarëve të Kosovës.

Kjo, sigurisht që me të drejtë ka prekur ndjeshmërinë patriotike të shqiptarëve, dhe protesta e tyre që mendohet të bëhet në Korçë gjatë panairit të birrës, është në organizim.

Bravo u qoftë!

Por, a do të arrijnë protestat ta ndalojnë këngëtarin Bregoviç të këndojë në Korçë?

spot_imgspot_img

Më shumë

spot_img
spot_img
digitalb
spot_img
spot_img