“Dua të lexoj diçka. Është e orës së fundit. Lombardia, rajoni më i pasur i Italisë, me shëndetësinë më ekselente. Nëse je asimptomatik, apo nuk je rëndë, sistemi sanitar publik nuk të siguron një tampon. Mund të bësh një tampon por kosto është e lartë. 100 euro mesatarisht. Qendrat private në Lombardi nuk dialogojnë me sistemin publik, dhe ja japin rezultatet qytetarëve”, tha Rama në “open”.
Ndërkohë në një debat me Gjekmarkaj, kryeministri e akuzoi këtë të fundit dhe kategorinë e gazetarëve se marrin lekë nën dorë.
Mirëpo Gjekmarkaj ia ka kthyer me të njejtën monedhë duke mos e pranuar këtë akuzë, megjithëse Rama tha se nuk e kishte personale.
Gjekmarkaj: Në Maqedoni bëhen mijëra testime dhe dalin tamponë çdo 24 orë, ndërsa këtu tek ne vjen tamponi pas vdekjes.
Rama: Ja shiko çfarë fjalësh, çfarë shpifjesh. Ju merrni lekë nën dorë...
Gjekmarkaj: Unë s’marr lekë nën dorë ju merrni lekë në dorë ju të qverisë...
Ai mban fjalim 1 orë ne nuk flasim fare
Rama: Mund të ndërhysh, por jo të flasim pa radhë. Ajo që them unë është të mos bëjmë nastradinim por t’i referohemi fakteve dhe shifrave.
Gjekmarkaj: Unë iu referova shifrave. Në Francë është 27 euro tamponi.
Rama: Ore mos ndërhy se je në tribunë ne këtu jemi në fushë. Pusho se na acarove