Hapësire reklamuese

Politikë

Jorgo Goro pyetet për herë të dytë nga SPAK: Dhashë shpjegime

Shkruar nga Newsbomb
Jorgo Goro pyetet për herë të dytë nga SPAK: Dhashë

Kryebashkiaku në detyrë i Himarës, Jorgo Goro është paraqitur për të dytën herë në Prokurorinë e Posaçme, ku është marrë në pyetje nga prokurorët dhe hetuesit e BKH-së.

Kur ka dalë nga godina e organit më të lartë të akuzës shqiptare, Goro është shprehur shkurtimisht për mediat se "isha për të dhënë shpjegime".

Kjo është hera e dytë që kryetari në detyrë i Bashkisë së Himarës paraqitet në SPAK. Janë dy gjetje kryesore ndaj tij që po hetohen nga Prokuroria e Posaçme, një për shkelje e barazisë në tendera dhe tjetra për resortin që do ndërtonte bashkëshorti i Olta Xhaçkës.

Kontrolli i Lartë i SHtetit ka evidentuar disa dyshime në lidhje me shkeljen e barazisë në tendera por edhe me investime të caktuara në qytetin e Himarës, gjatë kohës kur Jorgo Goro mbante postin dhe mandatin e tretë të kryebashkikakut të Himarës.

Gjithashtu, ndaj tij është bërë dhe një kallëzim nga kryebashkiaku i zgjedhur i Himarës por që nuk është betuar ende, Fredi Beleri. Ky i fundit akuzon Goron për shpërdorim detyre, në lidhje me shkeljen e procedurave ligjore për dhënien e lejes për Artan Gaçin.

Fredi Beleri ka kallëzuar për shfrytëzimin e tokave në mënyrë të paligjshme në Himarë.

Konkretisht në padi thuhet: “Të gjitha veprimet e kundërligjshme të kryera nga Kryetari i Bashkisë Himarë, Këshilli i Qarkut Vlorë dhe ish-punonjësit e ZVRPP Vlore në bashkëpunim me njëri-tjetrin janë kryer për shkak se kjo pasuri është tjetërsuar në favor të të tretëve dhe mbi këtë pronë, pasi është blerë, është marrë statusi i investitorit strategjik nga shtetasi Artan Gaçi, ish-deputet i Partisë Socialiste dhe bashkëshorti i Ministres se Mbrojtjes në atë kohë, aktualisht Ministre e Punëve të Jashtme."

Megjithatë, deri më sot Prokuroria e Posaçme nuk ka dalë me një njoftim zyrtar se në çfarë cilësie po merret në pyetje Jorgo Goro, nëse po pyetet si person që ka dijeni për rrethana të caktuara apo i dyshuar për konsumim të veprave të penale.

Lexo edhe: “Shfrytëzuan tokën në mënyrë të paligjshme”, Beleri padit në SPAK Jorgo Goron, Xhaçkën dhe bashkëshortin e saj

Sondazh

Poll

Lexo gjithashtu

Hapësire reklamuese