Zonja e Parë e Amerikës, Jill Biden, ka rezultuar negative pas testimit të Covid-19 dhe do të largohet nga Karolina e Jugut, ku ishte izoluar që nga pushimet me Presidentin Joe Biden.
Lajmi ëshhtë bërë me dije nga Shtëpia e Bardhë, e cila kishte njoftuar të martën se 71-vjeçarja, ashtu si presidenti Biden është vaksinuar dy herë me vaksinën pfizer, ndërsa kishte rezultuar pozitive me koronavirus.
Ajo shfaqi simptoma të lehta të hënën, ndërsa presidenti Biden u shërua nga Covid më 7 gusht. Jill Biden u trajtua me ilaçin antiviral Paxlovid dhe u izolua në shtëpinë e pushimeve në ishullin Kiawah për pesë ditë radhazi.