Ashtu si dhe ishte paralajmëruar nga vetë Noizy ditë më parë,  “Alpha Show 2” ngriti në “kembë” Tiranën. Në sheshin “Nënë Tereza” mbrëmjen e djeshme u mblodhën me mijëra fansa të reperit i cili prej vitesh i ka mbajtur ata të karrikuar me projekte dhe hite të reja. Në skenën gjigande të ngritur në zemër të Tiranës u ngjitën emra të njohur të muzikës shqiptare, të cilët s’bënë gjë tjetër veçse i hodhën dhe pak piper performancave elektrizuese të Noizyt. Ky koncert nuk i ka shpëtuar nga vëmendja as kryeministrit Edi Rama, i cili me "një rrugë ka mbaruar dy punë". E para, ka promovuar këtë koncert madhështor të bërë në kryeqytet dhe e dyta, ka “provokuar” me këngën që ka zgjedhur dhe etiketimin që ka bërë. Në llogarinë e tij në “Instagram”, Rama ka ndarë pamje nga “Alpha Show 2” dhe në mundësi për të zgjedhur dhjetëra këngë nga repertori i gjerë i këngëtarit, kryeministri i ka bashkangjitur videos pikërisht hitin “Jena Mbretër”. Përpos kësaj, ai ka bërë “tag” edhe kryetarin e Bashkisë Erion Veliaj, duke provokuar kështu hapur në këto ditë të nxehta dhe të zhurmshme, ku kudo po flitet për Inceneratorin e Tiranës. © Video te marre nga Instagrami i kryeministrit 

 

View this post on Instagram

 

A post shared by Edi Rama (@ediramaal)