Pas deklaratave të kryeministrit Edi Rama për rritje pagash deri në 7% vjen dhe reagimi i parë nga pedagogët, të cilët duket se janë të pakënaqur. Kreu i Sindikatës, Aleksandër Kovaçi ka kërkuar kalimin e fondeve tek pagat e Universiteteve.
“Nuk është rritje, hiq dorë nga investimet strategjike dhe kaloji fondet te pagat në Universitet”, tha ai.
Pedagogët e Universitetit të Tiranës paraditen e sotme po protestojnë përballë Universitetit Politeknik. Nën sloganin “Ora e mësimit e shenjtë, përse paguhet 5 euro?!” ata kërkojnë rritje të pagave dhe plotësim të kushteve ose në të kundërtën paralajmërojnë bojkot të orëve mësimore.