Filmi i fundit i James Bond ‘No time to die’ përkthyer në shqip “Nuk ka kohë për të vdekur” mbrëmjen e djeshme është shfaqur në kinema Millenium.
Kjo premierë ka bërë bashkë politikanë, artistë dhe gazetarë të cilët me kuriozitetin më të madh ndoqën këtë premierë, ndoshta e fundit e sagës së agjentit 007.
I pranishëm ishte edhe kryebashkiaku Erion Veliaj dhe ambasadori anglez Alastair King-Smith të cilët pritën në hyrje Vip-at.
Të famshmit tanë që spikatën në tapetin e kuq ishin Bora Zemani, Arbana Osmani dhe Eduart Grishaj, Elvana Gjata, Eneda Tarifa, Lei Kraja, Bes Kallaku, Inva Mula dhe shumë figura të tjera të njohura.
Ndërsa, në mesin e politikanëve u veçuan Bledi Çuçi, Elva Margariti, ambasadorja Yuri Kim dhe shumë personazhe të tjerë.
