Tirana
broken clouds
20.5 ° C
20.5 °
20.5 °
78 %
0kmh
75 %
Sht
29 °
Die
31 °
Hën
33 °
Mar
34 °
Mër
31 °
E premte, 18 Qershor, 2021
spot_imgspot_img

“Jam e lodhur nga puna në fasoneri, do iki në Angli”, 24 vjeçarja përfundon në polici, u kap në Rinas me pasaportë të falsifikuar… 3 herë

spot_img
spot_img

Lajme të ngjashëm

98aed5af51da3aa5448fc1b7568d7a68

Është 24 vjeçe dhe tregon në polici se nuk kishte asnjë mundësi për punësim në Shqipëri. Synimi i saj ishte Anglia, jo vetëm për shkaqe ekonomike por sepse synonte të ndiqte studimet e larta atje. Për këtë arsye vajza nga Burreli, pasi ka marrë bekimin e prindërve, ka kontaktuar me një bashkëqytetar, i cili edhe ai është zbuluar nga policia.

“Jam lodhur duke punuar në fasoneri, paguhesha keq. I tregova babait që duhet të ikja nga Shqipëria. Nuk ma bëri dy. I tregova se e ardhmja ime ishte në Angli, atje duhet të studioj dhe të kem një jetë më të mirë më pas”, ka thënë pranë policisë kufitare XH.D. Të njëjtat rrethana pohon dhe i ati.

Xh.D. tentoi tre herë për t’u larguar nga Shqipëria. Herën e parë si turiste. Herën e dytë me dokumenta italiane. Të tretën e bindur se do t’ia dilte mbanë, si shtetase angleze. Të treja herët dështoi, por së fundmi ajo është marrë edhe nën përgjegjësi penale.

“Pasi përfundoi shkollën, vajza ime nisi punë në fasoneri. Më pati thënë se donte të ikte jashtë shtetit, më pati pyetur a njihja ndokënd që ta ndihmonte në Angli. Pyeta kushëririn tim që jeton në Tiranë dhe më siguroi që do të bënte çmos. Më pati thënë madje se nuk njihte ndonjë person konkret, pasi nuk merrej me atë lloj pune, por meqë vajza donte të largohej, më premtoi se nuk do ta linim në Shqipëri përderisa XH. deshte Anglinë”, sqaron në polici babai 53-vjeçar.

“Vajza ime donte të largohej për arsye ekonomike dhe nëqoftëse do të arrinte atje, sapo të mbërrinte do të kërkonte azil. Por e zbuluan”, vijon më tej ai.

E dyshuar për falsifikim të vizave, 24-vjecarja fillimisht mohoi se mbante dokumenta false. E zbuluar në sportelin dalës të Rinasit, 24-vjeçarja sipas burimeve të Gazetës “Si”, këmnënguli se quhej Greta Zucca, sipas pasaportës biometrike që i dorëzoi policisë kufitare.

“Këtë dokument e mora nga kushëriri im, e paguam 500 euro”, shpjegoi më vonë në polici vajza.

Kushëriri i pasaportave

Policia thotë se R.K i kërkoi 24-vjeçares vetëm dy fotografi që do t’i duhej t’i ngjiste në pasaportë. Por kushëriri i saj mohon me forcë përfshirjen në falsifikimin e pasaportës.

“Nuk e njoh fare XH. Të atin po, e njoh, e mbaj mend se e kam kushëri të largët. Më kërkoi ndihmë për vajzën, por i thashë që nuk merrem me këto punë, madje i theksova se nëqoftëse e kapin me dokumenta false, do ta ketë problem në Evropë”, thotë i dyshuari R.K.

Policia shton për Gazetën “Si” se nga kontrolli i telefonit të Xh. zbulohen komunikimet intensive me familjarët e saj, ku ajo tregon se e gjeti pasaportën me të cilën do të udhëtojë. Për këtë qëllim policia ka administruar në cilësinë e provës edhe bisedat mes të vëllait dhe shokut të saj, biseda që zhvillohen kryesisht në ëhatsapp.

Më shumë

Lajmet e fundit

spot_imgspot_img
spot_img
spot_img
spot_img