Këngëtarja kosovare Fjolla Morina ka reaguar pak pas qarkullimit të lajmeve për arrestimin e saj ditën e sotme në Prishtinë.
Ajo ka publikuar disa foto në Instastory, ku shihet në ambientet e dyqanit të saj ndërsa shkruan krahas fotove: “Te dyqani jam”, duke hedhur poshtë lajmet për arrestimin e saj.
Më herët avokati i këngëtares, Fanol Krasniqi, ka thënë se Morina thjesht është shoqëruar në stacionin policor, por nuk është arrestuar.
“Fjolla Morina nuk është arrestuar, ajo është shoqëruar në stacionin policor. Një zyre e bashkëpunimit juridik në Kosovë, nuk e ka shfuqizuar urdhëresën e gjykatës e cila e ka refuzuar ekstradimin, tash po presim njoftimin, Fjolla nuk është e arrestume”, ka thënë Krasniqi për gazetën Ekspres.