Ministri izraelit i Mbrojtjes, Benny Gantz, ka dërguar përforcime rezervë në kufirin e Gazës, në zonën ku po ndodhin konfliktet. Ky vendim vjen pas refuzimit të propozimit për armëpushimit të Hamasit dhe sulmeve ajrore kundër ndërtesave të banimit në enklavën Palestineze.
Krahas ushtrisë, Shtabi i Përgjithshëm i ushtrisë ka thirrur edhe 7 mijë rezervistë. Rezervistët do të forcojnë përpjekjet e policisë për të frenuar përleshjet në qytetet arabo-hebraike.
Mediat ndër të tjera raportojnë se qeveria izrealite është e vendosur të përshkallëzojë më tej përgjigjen e saj ndaj sulmeve palestineze të provokuara nga dëbimi i myslimanëve dhe vendosja e territoreve të tyre nga izraelitët.
Sipas BBC, Gaza kaloi mbrëmë natën e saj më të gjatë dhe më të vështirë, që nga lufta e 2014-ës. Synimet e Izraelit në zonën e Gaza, përfshijnë ndërtesat e inteligjencës, një bankë dhe skuadrën detare të Hamasit.
Deri më tani kanë humbur jetën të paktën 83 persona në Gaza nga forcat izraelite këtë javë, përfshirë të paktën 17 fëmijë.