Policia e Shkodrës ka vënë në pranga një 30-vjeçar të shpallur në kërkim ndërkombëtar.
Bëhet fjalë për Valentin Gjeloshin, banues në lagjen ‘Skenderbeg’, Shkodër, i cili është dënuar me 5 vite burg nga Gjykata Shkodrës.
Tashmë i riu do të vuajë dënimin për veprën penale ‘’Prodhim dhe shitja e narkotikëve ‘’, e kryer në bashkëpunim.
Gjeloshi është një emër i njohur për policinë pasi është arrestuar dy herë më parë, në vitin 2015 dhe 2016 për drogë dhe për plagosje në një lokal të Shkodrës.
Njoftimi i policisë Shkodër:
Vijon puna për kapjen dhe ndalimin e personave të shpallur në kërkim
Kapet dhe ndalohet nga Policia e Shkodrës një person i shpallur në kërkim kombëtarë, i denuar me 5 vite burg nga Gjykata Shkodrës
Nga strukturat e Drejtorisë Vendore të Policisë Shkodër në baze të informacione të siguruara në rrugë operative dhe pas një pune të mirëorganizuar u kap dhe u ndalua shtetasi i shpallur në kërkim
Valentin Gjeloshi, 30 vjeç, banues në lagjen “Skenderbeg”, Shkodër,
Kapja dhe ndalimi i tij u bë pasi Gjykata e Apelit Shkodër me vendimin e formës së prerë Nr.98, datë 13.03.2019, e ka dënuar me 5 vite burgim për veprën penale ‘’Prodhim dhe shitja e narkotikëve ‘’, e kryer në bashkëpunim parashikuar nga neni 283/3 i Kodit Penal.
Materialet iu referuan Prokurorisë Pranë Gjykatës së Shkallës së Parë Shkodër, për veprime të mëtejshme.