Tre turistë të huaj që ishin bllokuar në Kanionin e Gjipesë në Himarë, janë shpëtuar nga Policia. Të rinjtë, 15 vjeç, 18 vjeç dhe 21 vjeç ishin bllokuar prej disa orësh në Kanion dhe nuk mund të dilnin.
Menjëherë kanë nisur kërkimet nga shërbimet e Policisë Kufitare, në bashkëpunim me shërbimet e Komisariatit të Policisë Himarë, për gjetjen e tyre. Pas 1 orë kërkimesh intensive, me ndihmën e FNSH-së së Fierit dhe forcave të zjarrëfikses, kanë bërë të mundur nxjerrjen nga kanioni të tre turistëve.
Bëhet me dije se ata ndodhen në gjendje të mirë shëndetësore. Njëri prej tyre është dëmtuar duke u përpjekur të dalë nga Kanioni. Ai ka lendime në këmbë dhe po merr ndihmën mjeksore në spital, ku ndodhet jashtë rrezikut për jetën.