Ish-prokurori Shkëlqim Hajdari ka deklaruar mbrëmjen e sotme se sjellja e kontrollorëve të aeroportit të Rinasit përbën vepër penale.
Ai u shpreh se nëse do të ishte përgjegjësi e tij, ai do t’i arrestonte në flagrancë këta kontrollorë.
“Kur mora vesh lajmin, kujtova se ishte ëndërr. Kjo është një ëndërr e keqe. Për pagat, janë ulur edhe për shkak të pandemisë. Nuk ka ndodhur në asnjë shtet, që të futesh në një grevë, direkt. Sjellja e kontrollorëve është kryerje e veprës penale.
Qeveria e ka marrë ngadalë, por unë për ata njerëz që nuk kthehen në punë, do kryeja masën e arrestit në flagrancë. Kjo është një ngjarje e paprecedentë. Rruga që kanë zgjedhur, duke bërë grevë pa paralajmërim, ata duhet të arrestohen”, u shpreh Hajdari.