Raimond Cimbi, një ndër emrat më të përfolur në kohën kur Ministria e Bujqësisë drejtohej nga Ilir Beqaj dhe i kallëzuar nga Kontrolli i Lartë i Shtetit për koncesionin e laboratorëve mjekësorë, është parë të dalë këtë të hënë nga ambientet e SPAK.
Shërbimi i laboratorëve mjekësorë është një ndër kontratat e partneritetit publik-privat në sektorin e shëndetësisë dhe parashikohet t'u kushtojë taksapaguesve rreth 13 miliardë lekë ose 114 milionë dollarë në 10 vitet e operimit.
Kontrata u fitua nga konsorciumi “Labopharma” me seli në Tiranë, “Exalab” me seli në Francë dhe kompania guackë “AB Laboratory Solution” B.V e regjistruar në Hagë të Holandës dhe po zbatohet prej vitit 2020 nga kompania koncesionare “Laboratory Networks”.
[caption id="attachment_764742" align="aligncenter" width="391"]
Raimond Cimbi duke dale nga SPAK[/caption]
Procedurat e Ministrisë së Shëndetësisë për dhënien e këtij shërbimi me koncesion janë vënë në pikëpyetje nga Kontrolli i Lartë i Shtetit dhe po hetohen për korrupsion nga Prokuroria e Posaçme kundër Korrupsionit dhe Krimit të Organizuar.
Raimond Cimbi është një ndër personat e kallëzuar nga KLSH, për kohën kur ka mbajtur postin e drejtorit të Drejtorisë së Prokurimeve në Ministrinë e Shëndetësisë. Nuk dihet nëse thirrja e tij në SPAK ka lidhje pikërisht me këtë dosje, apo dhe me atë të koncesionit të sterilizimit.
Hetimi i KLSH dhe kallëzimi në SPAK
Procedurat e Ministrisë së Shëndetësisë për dhënien e këtij shërbimi me koncesion janë vënë në pikëpyetje nga Kontrolli i Lartë i Shtetit dhe po hetohen për korrupsion nga Prokuroria e Posaçme kundër Korrupsionit dhe Krimit të Organizuar, SPAK.
“Mbi bazën e materialit hetimor të dërguar nga Kontrolli i Lartë i Shtetit është regjistruar procedimi penal nr.18, datë 31.01.2022 për veprat penale shkelja e barazisë së pjesëmarrësve në tendera dhe ankande publike, shpërdorim detyre dhe korrupsion pasiv i personave që ushtrojnë funksione publike,” tha SPAK për Birn një vit më parë.
Kontrolli i Lartë i Shtetit e përfundoi auditin mbi koncesionin e laboratorëve mjekësorë në tetor të vitit 2021 dhe arriti në përfundimin se Ministria e Shëndetësisë e kishte dhënë atë në kundërshtim me ligjin “Për Koncesionet dhe Partneritetin Publik Privat”.
Për këtë procedurë, KLSH paditi në SPAK shtatë anëtarët e komisionit për dhënien e koncesionit si dhe i kërkon gjithashtu Ministrisë së Shëndetësisë që të marrë masa për rishikimin dhe zgjidhjen e kontratës.
[caption id="attachment_764743" align="aligncenter" width="501"]
Raimond Cimbi duke dale nga SPAK[/caption]
Auditi i KLSH-së sjell në vëmendje faktin se zyrtarët e Ministrisë së Shëndetësisë injoruan shqetësimin e Korporatës Ndërkombëtare të Investimeve, IFC, për integritetin e kompanisë së regjistruar në Holandë, AB Laboratory Solutions.
Sipas dokumenteve të paraqitura nga konsorciumi, kjo kompani zotërohej nga “Pegasus”, një tjetër kompani shqiptare në pronësi të biznesmenit Janis Karathano.
Raimond Cimbi duke dale nga SPAK
Ilir Beqaj - Raimond Cimbi ne SPAK
Sondazh
Lexo gjithashtu
