Kompania Apple në Itali është gjobitur me 10 milion euro për dy mashtrime në reklamimin e saj.
E para ka të bëjë me reklamimin e iPhone që telefoni është rezistent ndaj ujit për një thellësi maksimale që varion midis 4 metra dhe 1 metër në varësi të modelit dhe deri në 30 minuta.
Reklama është mashtruese pasi sipas autoritetit, kjo provë ishte e vlefshme vetëm në kushte të caktuara të testuara në laborator, në të cilin uji i përdorur ishte i pastër dhe statik.
Pra, jo kushtet normale të përdorimit të çdo konsumatori. Për më tepër, reklama në të cilën u deklarua "Garancia nuk mbulon dëmin e shkaktuar nga lëngjet", sipas autoritetit: "u konsiderua e përshtatshme për të mashtruar konsumatorët duke mos sqaruar llojin e garancisë që i referohej (garanci konvencionale ose garanci ligjore), as nuk u gjykua e aftë për të kontekstualizuar në mënyrë adekuate kushtet dhe kufizimet e pretendimeve pohuese të rezistencës ndaj ujit".
Mashtrimi i dytë ishte" refuzimi kategorik nga Apple, në fazën pas shitjes, për të siguruar ndihmë garancie kur ato modele iPhone u dëmtuan për shkak të futjes së ujit ose lëngje të tjera, duke penguar kështu ushtrimin e të drejtave që u njihen atyre nga ligji në lidhje me garancinë ose nga Kodi i Konsumatorit".
Për këto arsye, gjoba prej 10 milion eurosh u vendos, përveç që kërkoi nga Apple që të botonte një ekstrakt të gjobës në faqen e saj të internetit.