INUK vijon prishjen e objekteve në Tiranë edhe gjatë orëve të mbrëmjes. Aktualisht po vijojnë prishjet përgjatë rrugës së Komunës së Parisit në kryeqytet.
Prania e INUK atje ka sjellë edhe bllokimin e trafikut nga ana e policisë.
Një ndër objektet që po prishet është edhe qendra e shërbimit social për fëmijë dhe të rinjë në vështirësi “Maria Mazzarello”.
Ndërkohë që nuk ka ndërhyrje në shkollën jopublike “Kristaq Rama”, e cila ndodhet përballë qendrës që po prishet, edhe pse ky objekt ka zënë pothuajse të gjithë trotuarin e këmbësorëve.