Hapësire reklamuese

Çështjet kryesore

Politikë

Indrit Hoxha shpallet fitues, garon më 14 maj për Bashkinë Vorë

Shkruar nga Newsbomb
Indrit Hoxha shpallet fitues, garon më 14 maj për Bashkinë

Indrit Hoxha është shpallur fitues në Primaret për Bashkinë e Vorës. Lajmin e ka bërë me dije vetë ai përmes një postimi në “Facebook” ku tha se ka fituar me 82% të votave.

Më tej ao theksoi se bashkë me demokratët të cilët i dhanë besimin e tyre do të luftojnë për të çliruar Vorën.

Për të garuar në Primare, Indrit Hoxha la postin e Sekretarit për Diasporën në selinë e Partisë Demokratike.

“Sot me 82% e bekimit të anëtareve dhe simpatizantëve në Bashkinë Vorë unë afirmoj vullnetin tim për të punuar me përkushtim për një fushatë model, për një fushatë të fuqishme, për një fushatë në mbrojtje të votës së lirë krahas kësaj me një program real zhvillimi të kësaj zone të bllokuar në procesin jetik të zhvillimit nga mafia, ndërthurja e interesave dhe nga pushteti socialist totalitar që ka zaptuar dhe falimentuar gjithçka. Së bashku do ta çlirojmë Vorën nga kjo kapje! Së bashku do të bëjmë që Vora të shpërthejë potencialin e saj, do të bëjmë që ajo të jetë nyja industriale e Shqipërisë në trekëndëshin më të zhvilluar të ultësirës perëndimore, Tiranë-Durrës-Lezhë.

Ky është një mesazh për të gjithë strukturat e Partisë Demokratike në bazë, për të gjithë faktorët influentë të kësaj zone, për të gjithë simpatizantët dhe votuesit tanë. Unë kandidoj për t’i dhënë bashkisë drejtimin e nevojshëm në funksion të shpërthimit të impulseve që ka zona e mrekullueshme e Vorës në të gjithë dimensionin, në të gjithë territorin e saj me diversitet, me rëndësi ekonomike dhe me potencial për të qenë një motor zhvillimi për të gjithë Vorën”, shkruan ai.

Lexo gjithashtu

Sondazh

Poll