Hapësire reklamuese

Ekonomi

India tejet e interesuar për bashkëpunimin me Shqipërinë në transportin hekurudhor dhe detar

Shkruar nga Newsbomb

Ministri i Transportit dhe Infrastrukturës Sokol Dervishaj ka pritur në një takim Ministrin Indian për Hekurudhat Suresh Prabhu.

Ministri Dervishaj shprehu falenderimet ndaj Qeverisë Indiane dhe Ministrit Prabhu, për angazhimin e madh në forcimin e marrëdhënienve politiko-ekonomike mes 2 vendeve.

Ministri Prabhu, tha se Qeveria Indiane është shumë e interesuar për të rritur bashkëpunimin me Shqipërinë, veçanërisht në transportin hekurudhor dhe atë detar.

Në lidhje me transportit hekurudhor, Dervishaj tha se Ministria e Transportit synon rivitalizimin e këtij sektori, duke filluar me ndërtimin e linjës Tiranë-Rinas-Durrës, dhe një sërë projektesh të tjera për lidhjen me Malin e Zi, Greqinë dhe Maqedoninë.

Dervishaj, u shpreh se pala shqiptare është e hapur për të bashkëpunuar dhe përfituar nga eksperienca e hekurudhave indiane, ndër më të mëdhatë në Botë.

Duke u ndalur te transporti detar, Ministri Dervishaj tha se pala shqiptare, është e gatshme për të nënshkruar Marrëveshjen ndërmjet dy Qeverive për transportin detar, për ti dhënë një shtysë kontrete bashkëpunimit.

Zoti Dervishaj tha se Shqipëria është një vend me potencial të madh në transportin detar dhe në aspektin strategjik, pasi mund të shërbejë si një pik lidhje e Indisë me Ballkanin dhe Europën, për shkak të pozicionit gjeografik.

Ministri Dervishaj e njohu zotin Prabhu me nismën e Ministrisë, për të hartuar një strategji për transportin detar, çfarë do ti jepte shtysë më të madhe zhvillimit të këtij sektori.

Nga ana e tij Ministri Suresh Prabhu, u shpreh i gatshëm për të ofruar asistencën dhe eksperiencën e vendit të tij, në transportin hekurudhor dhe detar.  

Lexo gjithashtu

Sondazh

Gazetari Eduard Ilnica është dhunuar barbarisht mbrëmjen e së hënës nga disa persona. Për shkak të një shkrimi botuar në gazetën lokale për ekipin e Kastriotit.

Sakaq, ka reaguar demokrati Genc Pollo që akuzon qeverinë për mosmarrje dënimi apo solidarizim për rastin në fjalë.

Pollo thotë se liria e shtypit ka rënë poshte.

“Edhe një gazetar tjetër i dhunuar barbarisht pasi bëri detyrën, raportoi për dhunën në stadium. Në mes të Tiranës! Asnjë dënim apo solidarizim nga qeveria, ministri i Brendshëm, i Sportit. Si dhe më parë. Liria e shtypit poshtë”, shprehet deputeti në një deklaratë për mediat.