Hapësire reklamuese

Politikë

Ilir Meta “shpërthen” ndaj “Air Albania”: Anuluan fluturimin pa paralajmërim

Shkruar nga Newsbomb
Ilir Meta “shpërthen” ndaj “Air Albania”: Anuluan

Kreu i Partisë së Lirisë, Ilir Meta së bashku me ish-ministrin Edmond Panariti mbrëmjen e djeshme kanë humbur fluturimin për shkak të një anulimi të pa paralajmëruar nga “Air Albania”.

Ai është shprehur se jo vetëm u është anuluar fluturimi pa paralajmëruar, po i është dashur që të insistojnë që kompania të marrë përsipër akomodimin në hotel.

Ndër të tjera Meta shprehet se kjo nuk është hera e parë që ndodh një anulim i tillë në mënyrë të papritur, teksa i bën thirrje qeverisë që të marrë përgjegjësitë e saj përpara qytetarëve në mënyrë transparente.

Postimi i plotë i Metës:

Air Albania nuk duhet të vazhdojë më kështu!

Mbrëmë më qëlloi të humbisja fluturimin nga Stambolli në Tiranë për shkak se Air Albania anulloi fluturimin pa paralajmërim në kohën e duhur!

Jo vetëm kaq por u desh të insistonim bashkë me ish-Ministrin e Jashtëm Prof. Edmond Panaritin që të merrnin përsipër akomodimin në hotel për më tepër që mikpritësit tanë në Baku i kishin paguar biletat tona në business.

Ndërkohë sot ne avion takuam shumë qytetarë të revoltuar se disa prej tyre kishin fjetur në aeroport dhe e kishin rast të përsëritur.

Ndërsa një zonjë që jetonte në Kaliforni edhe pse i kishin zgjidhur akomodimin në hotel tha se kjo ishte hera e pestë që i ndodhte me Air Albania dhe s'kishte më ndërmend ta provonte këtë torturë.

Për mua personalisht është hera e dytë por Qeveria duhet të marrë përgjegjësitë e saj përpara qytetarëve në mënyrë transparente se justifikimet që zogjtë kanë sulmuar motorët nuk shkojnë më.

Ose të paktën t'i ndryshojë emrin kompanisë!

Sondazh

Poll

Lexo gjithashtu

Hapësire reklamuese