Politikani Ilir Meta ka pritur në zyrë këtë të enjte Michael Granoff, kreun e Bordit të Fondacionit shqiptaro-amerikan për Zhvillim. Ky fondacion ka lidhur muaj më parë një marrëveshje me qeverinë për menaxhimin e Butrintit, e kontestuar fortë nga opozita.
Meta thotë se gjatë bisedës me Granoff, ka vlerësuar angazhimin e AADF për programet zhvillimore të Shqipërisë, dhe veçanërisht për shtimin e mundësive në edukimin e brezave të rinj.
“Kënaqësi të takohesha sot me Kryetarin e Bordit të Fondacionit shqiptaro-amerikan për Zhvillim, z. Michael Granoff dhe të vlerësoja angazhimin e AADF për programet zhvillimore të Shqipërisë, dhe veçanërisht për shtimin e mundësive në edukimin e brezave të rinj dhe rritjen profesionale të tyre”, thuhet në njoftim.