Ish kryetari i Kuvendit të Shqipërisë, Ilir Meta është betuar sot si President i Republikës së Shqipërisë në seancën e jashtëzakonshme plenare.
Meta është Presidenti i dhjetë në historinë e Shqipërisë. Pas betimit në Kuvend, pritet të mbahet ceremonia inaguruese në godinën e Presidencës.
Ilir Meta, Presidenti i 10-të i Republikës
Ditëlindja: 24 mars 1969
Vendlindja: Çepan, Skrapar.
Dita kur u zgjodh President: 28 prill 2017, ora 18.00.
Votat që mori në Kuvend: 87 vota pro dhe 2 kundër
Mosha e zgjedhjes si President: 48 vjeç, 1 muaj e 4 ditë.
Përkatësia fetare: Mysliman bektashi.
Arsimimi: Diplomuar për ekonomi në Universitetin e Tiranës.
Detyra të tjera shtetërore: Kryetar i Kuvendit, Kryeministër, zëvendëskryeministër në qeverinë e Pandeli Majkos, zëvendëskryeministër në qeverinë e Fatos Nanos dhe zëvendëskryeministër në qeverinë e Sali Berishës, Ministër i Jashtëm, Ministër i Ekonomisë, sekretar shteti në Ministrinë e Jashtme, deputet.