Një 19 vjeçar shqiptar është arrestuar nga policia britanike në Angli, pasi u kap në një ndërtesë të përshtatur, si plantacion kanabisi.
Besmir Sula mbërriti me gomone në Angli, duke iu paguar 4 mijë paund personave që e dërguan ilegalisht atje dhe e punësuan në plantacionin e tyre të kanabisit.
I riu fillimisht u mbajt në një qendër paraburgimi dhe më pas u transferua në një hotel të Home Office, ku iu dha një telefon për të komunikuar me familjarët e tij.
Ai u mor nga hoteli më pas, duke shkuar në një ndërtesë midis fshatrave të Cranbrook dhe Haëkhurst në Kent, ku ai punoi si “kopshtar” duke u kujdesur për rreth 500 bimë kanabisi. Ai u dënua me 15 muaj burgim nga gjykata në Maidstone Crown Court Kent, ku gjykatësi FitzGerald tha se Sula ishte një’i ri, naiv dhe “viktimë e skllavërisë moderne”.