Këngëtarja shqiptare Linda Halimi u bë nënë për herë të pare vetëm para disa javësh.
Ajo solli në jetë një vajzë, ndërsa lindja erdhi si e papritur për publikun, pasi këngëtarja e kishte mbajtur të fshehtë shtatzëninë.
Linda tashmë ka zbuluar edhe portretin e Kaimanës, së cilës i ka hapur edhe një profil të vetin në Instagram.
Mirëpo një ndjekëse e ka ofenduar këngëtaren, teksa e pyet nëse babai i saj është gëzuar për lindjen e vajzës.
"Në fakt shumë! Pse nuk e pyet personalisht meqe po të intereson kaq shumë?", i shkruan shqiptarja, duke etiketuar babain e saj në koment.
Por ndjekësja nuk është mjaftuar me kaq, pasi ka shpërthyer në ofendime të rënda, ndërsa Linda ka vendosur ta demaskojë publikisht duke e shpërndarë bisedën në Instastory, krahas së cilës shkruan: Situatë e rëndë kjo.